မြန်မာနိုင်ငံသတင်းစာဆရာအသင်း(မန္တလေးတိုင်းဒေသကြီး) တတိယအကြိမ်ညီလာခံကျင်းပ
မြန်မာနိုင်ငံသတင်းစာဆရာအသင်း(မန္တလေးတိုင်းဒေသကြီး) တတိယအကြိမ် အသင်းသားစုံညီ ညီလာခံကို ဇူလိုင်လ ၁၂ ရက်၊ နံနက် ၁၀ နာရီက မန္တလေးမြို့၊ မဟာအောင်မြေမြို့နယ်၊ ဥယျာဉ်တန်းရပ်ကွက်ရှိ ရတနာပျိုးခင်း စာကြည့်တိုက်တွင် ကျင်းပသည်။ အဆိုပါအခမ်းအနားသို့ အသင်းဝင် ၅၈ဦးထဲမှ ၄၄ဦးတက်ရောက်ခဲ့သည်။
တတိယအကြိမ် ညီလာခံကို အစီအစဉ်နှစ်ရပ်နဲ့ကျင်းပခဲ့တာဖြစ်ပြီး ညီလာခံပထမပိုင်းမှာ ၂၀၁၅-၂၀၁၈ အလုပ်အမှုဆောင်အဖွဲ့က ပြီးခဲ့တဲ့သုံးနှစ်တာဆောင်ရွက်ချက်များနဲ့ ဘဏ္ဍာရေးရှင်းတမ်းများကို ရှင်းလင်းတင်ပြကြသည်။ ထို့နောက် အစီအစဉ်ဒုတိယပိုင်းကိုဆက်လက်ကျင်းပရာ စာရေးဆရာသိုက်ထွန်းသက်ဦးဆောင်သည့် ရွေးချယ်တင်မြှောက်ရေးကော်မရှင်အဖွဲ့၏ ကြီးကြပ်မှုဖြင့် ၂၀၁၈-၂၀၂၁ တိုင်းဒေသကြီးအလုပ်အမှုဆောင်အဖွဲ့သစ်ကို ရွေးချယ်တင်မြှောက်လိုက်သည်။
No comments
Post a Comment